ਬੀ.ਐਸ.ਐਫ਼. ਨੇ ਪੰਜ ਪਾਕਿਸਤਾਨੀ ਚੌਕੀਆਂ ਕੀਤੀਆਂ ਤਬਾਹ- ਅਧਿਕਾਰੀ

ਸ੍ਰੀਨਗਰ, 22 ਮਈ- ਜੰਮੂ ਵਿਚ ਭਾਰਤ-ਪਾਕਿਸਤਾਨ ਸਰਹੱਦ ’ਤੇ ਇਕ ਕਾਰਵਾਈ ਵਿਚ ਬੀ.ਐਸ.ਐਫ਼. ਨੇ ਪੰਜ ਪਾਕਿਸਤਾਨੀ ਚੌਕੀਆਂ ਅਤੇ ਇਕ ਅੱਤਵਾਦੀ ਲਾਂਚ ਪੈਡ ਨੂੰ ਤਬਾਹ ਕਰ ਦਿੱਤਾ। ਹਾਲਾਂਕਿ, ਇਹ ਕਾਰਵਾਈ ਕਿਸ ਦਿਨ ਕੀਤੀ ਗਈ ਸੀ, ਇਹ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਬੀ.ਐਸ.ਐਫ਼. ਅਧਿਕਾਰੀ ਨੇ ਕਾਰਵਾਈ ਬਾਰੇ ਜਾਣਕਾਰੀ ਦਿੱਤੀ। ਬੀ.ਐਸ.ਐਫ਼. ਕਮਾਂਡੈਂਟ ਚੰਦਰੇਸ਼ ਸੋਨਾ ਨੇ ਕਿਹਾ ਕਿ ਅਸੀਂ ਪਾਕਿਸਤਾਨ ਵਲੋਂ ਕੀਤੀ ਗਈ ਗੋਲੀਬਾਰੀ ਦਾ ਢੁਕਵਾਂ ਜਵਾਬ ਦਿੱਤਾ। ਅਸੀਂ ਉਨ੍ਹਾਂ ਦੀਆਂ ਬਹੁਤ ਸਾਰੀਆਂ ਜਾਇਦਾਦਾਂ ਤਬਾਹ ਕਰ ਦਿੱਤੀਆਂ। ਮਸਤਪੁਰ ਵਿਚ ਇਕ ਅੱਤਵਾਦੀ ਲਾਂਚ ਪੈਡ ਸੀ, ਜਿਸ ਨੂੰ ਅਸੀਂ ਤਬਾਹ ਕਰ ਦਿੱਤਾ। ਇਸ ਕਾਰਵਾਈ ਵਿਚ, ਉਨ੍ਹਾਂ ਦੀਆਂ ਪੰਜ ਚੌਕੀਆਂ ਅਤੇ ਕਈ ਬੰਕਰ ਤਬਾਹ ਹੋ ਗਏ। ਉਨ੍ਹਾਂ ਕਿਹਾ ਕਿ ਆਪ੍ਰੇਸ਼ਨ ਸੰਧੂਰ ਤੋਂ ਬਾਅਦ, ਪਾਕਿਸਤਾਨ ਲਗਾਤਾਰ ਭਾਰਤੀ ਖੇਤਰ ਨੂੰ ਨਿਸ਼ਾਨਾ ਬਣਾ ਰਿਹਾ ਹੈ। ਦੂਜੇ ਪਾਸੇ, ਅੱਜ ਸਵੇਰੇ ਜੰਮੂ-ਕਸ਼ਮੀਰ ਦੇ ਕਿਸ਼ਤਵਾੜ ਦੇ ਸਿੰਘਪੁਰਾ ਅਤੇ ਚਤਰੂ ਇਲਾਕਿਆਂ ਵਿਚ 3-4 ਅੱਤਵਾਦੀ ਦੇਖੇ ਗਏ। ਇਸ ਤੋਂ ਬਾਅਦ ਸੁਰੱਖਿਆ ਬਲਾਂ ਅਤੇ ਅੱਤਵਾਦੀਆਂ ਵਿਚਕਾਰ ਮੁਕਾਬਲਾ ਸ਼ੁਰੂ ਹੋ ਗਿਆ ਹੈ।