ਹੁਣ ਪਿੰਡ ਦੀਆਂ ਔਰਤਾਂ ਡਰੋਨ ਦੀਦੀ ਦੇ ਰੂਪ ਵਿਚ ਡਰੋਨ ਉਡਾ ਰਹੀਆਂ ਹਨ - ਪ੍ਰਧਾਨ ਮੰਤਰੀ

 ਨਵੀਂ ਦਿੱਲੀ,. 25 ਮਈ - ਮਨ ਕੀ ਬਾਤ ਦੇ 122ਵੇਂ ਐਪੀਸੋਡ ਵਿਚ, ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਕਹਿੰਦੇ ਹਨ, "ਅੱਜ, ਬਹੁਤ ਸਾਰੀਆਂ ਔਰਤਾਂ ਹਨ ਜੋ ਖੇਤਾਂ ਵਿਚ ਕੰਮ ਕਰ ਰਹੀਆਂ ਹਨ ਅਤੇ ਅਸਮਾਨ ਦੀਆਂ ਉਚਾਈਆਂ ਨੂੰ ਛੂਹ ਰਹੀਆਂ ਹਨ। ਹਾਂ! ਤੁਸੀਂ ਸਹੀ ਸੁਣਿਆ ਹੈ, ਹੁਣ ਪਿੰਡ ਦੀਆਂ ਔਰਤਾਂ ਡਰੋਨ ਦੀਦੀ ਦੇ ਰੂਪ ਵਿਚ ਡਰੋਨ ਉਡਾ ਰਹੀਆਂ ਹਨ ਅਤੇ ਖੇਤੀਬਾੜੀ ਵਿਚ ਇਕ ਨਵੀਂ ਕ੍ਰਾਂਤੀ ਦੀ ਸ਼ੁਰੂਆਤ ਕਰ ਰਹੀਆਂ ਹਨ। ਤੇਲੰਗਾਨਾ ਦੇ ਸੰਗਾਰੇਡੀ ਜ਼ਿਲ੍ਹੇ ਵਿਚ, ਜਿਨ੍ਹਾਂ ਔਰਤਾਂ ਨੂੰ ਕੁਝ ਸਮਾਂ ਪਹਿਲਾਂ ਤੱਕ ਦੂਜਿਆਂ 'ਤੇ ਨਿਰਭਰ ਰਹਿਣਾ ਪੈਂਦਾ ਸੀ... ਅੱਜ ਉਹੀ ਔਰਤਾਂ ਡਰੋਨ ਦੀ ਮਦਦ ਨਾਲ 50 ਏਕੜ ਜ਼ਮੀਨ 'ਤੇ ਕੀਟਨਾਸ਼ਕ ਛਿੜਕਣ ਦਾ ਕੰਮ ਪੂਰਾ ਕਰ ਰਹੀਆਂ ਹਨ। ਸਵੇਰੇ ਤਿੰਨ ਘੰਟੇ, ਸ਼ਾਮ ਨੂੰ ਦੋ ਘੰਟੇ ਅਤੇ ਕੰਮ ਪੂਰਾ ਹੁੰਦਾ ਹੈ। ਨਾ ਤਾਂ ਤੇਜ਼ ਧੁੱਪ, ਨਾ ਹੀ ਜ਼ਹਿਰੀਲੇ ਰਸਾਇਣਾਂ ਦਾ ਖ਼ਤਰਾ। ਪਿੰਡ ਵਾਸੀਆਂ ਨੇ ਵੀ ਇਸ ਬਦਲਾਅ ਨੂੰ ਪੂਰੇ ਦਿਲ ਨਾਲ ਸਵੀਕਾਰ ਕਰ ਲਿਆ ਹੈ। ਹੁਣ ਇਨ੍ਹਾਂ ਔਰਤਾਂ ਨੂੰ 'ਡਰੋਨ ਆਪ੍ਰੇਟਰਾਂ ' ਵਜੋਂ ਨਹੀਂ ਸਗੋਂ 'ਆਕਾਸ਼ ਯੋਧਿਆਂ' ਵਜੋਂ ਜਾਣਿਆ ਜਾਂਦਾ ਹੈ...'।