ਲਾਹੌਲ-ਸਪਿਤੀ ਬਣਿਆ ਭਾਰਤ ਦਾ ਪਹਿਲਾ ਸਿਰਫ਼ ਔਰਤਾਂ ਵਾਲਾ ਪ੍ਰਸ਼ਾਸਕੀ ਜ਼ਿਲ੍ਹਾ

5 hours 8 minutes ago

ਸ਼ਿਮਲਾ, 28 ਅਪ੍ਰੈਲ- ਇਕ ਇਤਿਹਾਸਕ ਕਦਮ ਵਿਚ, ਹਿਮਾਚਲ ਪ੍ਰਦੇਸ਼ ਦਾ ਲਾਹੌਲ-ਸਪਿਤੀ ਜ਼ਿਲ੍ਹਾ, ਜੋ ਆਪਣੀ ਚੁਣੌਤੀ ਪੂਰਨ ਧਰਤੀ ਲਈ ਜਾਣਿਆ ਜਾਂਦਾ ਹੈ, ਭਾਰਤ ਦਾ ਪਹਿਲਾ ਸਿਰਫ਼ ਔਰਤਾਂ ਵਾਲਾ ਪ੍ਰਸ਼ਾਸਕੀ ਜ਼ਿਲ੍ਹਾ ਬਣ ਗਿਆ ਹੈ। ਇਹ ਤਬਦੀਲੀ ਆਈ.ਏ.ਐਸ. ਅਧਿਕਾਰੀ ਕਿਰਨ ਬਡਾਨਾ ਦੀ ਹਾਲ ਹੀ ਵਿਚ ਡਿਪਟੀ ਕਮਿਸ਼ਨਰ ਵਜੋਂ ਹੋਈ ਨਿਯੁਕਤੀ ਨਾਲ ਆਈ ਹੈ। ਬਡਾਨਾ ਦੀ ਨਿਯੁਕਤੀ ਜ਼ਿਲ੍ਹੇ ਲਈ ਇਕ ਵੱਡਾ ਮੀਲ ਪੱਥਰ ਹੈ, ਜਿੱਥੇ, ਦਿਲਚਸਪ ਗੱਲ ਇਹ ਹੈ ਕਿ, ਰੋਜ਼ੀ-ਰੋਟੀ ਲਈ ਜ਼ਿਲ੍ਹੇ ਤੋਂ ਬਾਹਰ ਬਹੁਤ ਜ਼ਿਆਦਾ ਮਰਦਾਂ ਦੇ ਪ੍ਰਵਾਸ ਕਾਰਨ ਔਰਤਾਂ ਦੀ ਆਬਾਦੀ ਮਰਦਾਂ ਨਾਲੋਂ ਵੱਧ ਹੈ। ਇਹ ਤਬਦੀਲੀ ਰਣਨੀਤਕ, ਰਾਜਨੀਤਿਕ ਅਤੇ ਪ੍ਰਸ਼ਾਸਕੀ ਫੈਸਲਿਆਂ ਦੀ ਇਕ ਲੜੀ ਤੋਂ ਬਾਅਦ ਹੋਇਆ ਹੈ। ਪਿਛਲੇ ਸਾਲ, ਇਕ ਹੈਰਾਨੀਜਨਕ ਰਾਜਨੀਤਿਕ ਵਿਕਾਸ ਦੇ ਨਤੀਜੇ ਵਜੋਂ 2024 ਦੀਆਂ ਉਪ-ਚੋਣਾਂ ਦੌਰਾਨ ਅਨੁਰਾਧਾ ਰਾਣਾ ਨੂੰ ਜ਼ਿਲ੍ਹੇ ਦੀ ਦੂਜੀ ਮਹਿਲਾ ਵਿਧਾਇਕ ਵਜੋਂ ਚੁਣਿਆ ਗਿਆ, ਜਿਸ ਨਾਲ ਕਬਾਇਲੀ ਖੇਤਰ ਵਿਚ ਔਰਤਾਂ ਦੀ ਲੀਡਰਸ਼ਿਪ ਨੂੰ ਹੋਰ ਮਜ਼ਬੂਤੀ ਮਿਲੀ। ਇਸ ਗਤੀ ਨੂੰ ਵਧਾਉਂਦੇ ਹੋਏ, ਕਾਂਗਰਸ ਸਰਕਾਰ ਨੇ ਹਾਲ ਹੀ ਵਿਚ ਇਲਮਾ ਅਫਰੋਜ਼ ਨੂੰ ਲਾਹੌਲ-ਸਪਿਤੀ ਲਈ ਪੁਲਿਸ ਸੁਪਰਡੈਂਟ ਵਜੋਂ ਨਿਯੁਕਤ ਕੀਤਾ ਹੈ, ਮਾਈਨਿੰਗ ਮਾਫੀਆ ਅਤੇ ਰਾਜਨੀਤਿਕ ਦਖਲਅੰਦਾਜ਼ੀ ਨੂੰ ਰੋਕਣ ਵਿਚ ਉਨ੍ਹਾਂ ਦੀ ਸ਼ਲਾਘਾਯੋਗ ਸਫਲਤਾ ਤੋਂ ਬਾਅਦ ਉਸ ਨੂੰ ਸੋਲਨ ਜ਼ਿਲ੍ਹੇ ਤੋਂ ਤਬਦੀਲ ਕਰ ਦਿੱਤਾ ਗਿਆ ਹੈ। ਇਸ ਚੱਕਰ ਨੂੰ ਪੂਰਾ ਕਰਨ ਲਈ, ਸਬ-ਡਿਵੀਜ਼ਨਲ ਮੈਜਿਸਟ੍ਰੇਟ ਕੇਲੋਂਗ ਦਾ ਚਾਰਜ ਅਕਾਂਕਸ਼ਾ ਸ਼ਰਮਾ ਅਤੇ ਐਸ.ਡੀ.ਐਮ. ਕਾਜ਼ਾ ਸ਼ਿਖਾ ਕੋਲ ਹੈ, ਜਿਨ੍ਹਾਂ ਨੂੰ ਮਹਿਲਾ ਅਧਿਕਾਰੀ ਨਿਯੁਕਤ ਕੀਤਾ ਗਿਆ ਸੀ, ਇਸ ਨਾਲ ਲਾਹੌਲ-ਸਪਿਤੀ ਔਰਤਾਂ ਦੀ ਅਗਵਾਈ ਵਾਲੇ ਸ਼ਾਸਨ ਦਾ ਇਕ ਮਾਡਲ ਬਣ ਗਿਆ।