ਲਾਵਾਰਿਸ ਬੈਗ 'ਚੋਂ ਜੀ.ਆਰ.ਪੀ. ਪੁਲਿਸ ਰਾਜਪੁਰਾ ਨੇ ਸਟੇਸ਼ਨ ਤੋਂ 6 ਪਿਸਟਲ ਕੀਤੇ ਬਰਾਮਦ
ਰਾਜਪੁਰਾ, 5 ਅਪ੍ਰੈਲ (ਜੀ. ਪੀ. ਸਿੰਘ)-ਜੀ.ਆਰ.ਪੀ. ਪੁਲਿਸ ਰਾਜਪੁਰਾ ਵਲੋਂ ਪਲੇਟਫਾਰਮ ਉਪਰ ਵਿਸ਼ੇਸ਼ ਚੈਕਿੰਗ ਦੌਰਾਨ ਰਾਜਪੁਰਾ ਰੇਲਵੇ ਸਟੇਸ਼ਨ ਦੇ ਪਲੇਟਫਾਰਮ ਨੰਬਰ ਇਕ ਉੱਪਰ ਲਾਵਾਰਿਸ ਪਿੱਠੂ ਬੈਗ ਅਤੇ ਕੱਪੜਿਆਂ ਵਿਚ ਲਪੇਟੇ ਹੋਏ ਛੇ ਦੇਸੀ ਪਿਸਟਲ 32 ਬੋਰ ਸਮੇਤ ਮੈਗਜ਼ੀਨ ਅਤੇ ਤਿੰਨ ਸਪੇਅਰ ਖਾਲੀ ਮੈਗਜ਼ੀਨ ਬਰਾਮਦ ਕੀਤੇ ਹਨ। ਜੀ.ਆਰ.ਪੀ. ਚੌਕੀ ਇੰਚਾਰਜ ਏ.ਐਸ.ਆਈ. ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਸੀਨੀਅਰ ਅਫਸਰਾਂ ਦੀਆਂ ਹਦਾਇਤਾਂ ਅਨੁਸਾਰ ਰੇਲਵੇ ਸਟੇਸ਼ਨ ਉੱਪਰ ਵਿਸ਼ੇਸ਼ ਚੈਕਿੰਗ ਦੌਰਾਨ ਜੀ. ਆਰ.ਪੀ. ਪੁਲਿਸ ਰਾਜਪੁਰਾ ਨੂੰ ਇਹ ਵੱਡੀ ਸਫਲਤਾ ਹਾਸਿਲ ਹੋਈ ਹੈ ਅਤੇ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਕੀਤੀ ਜਾ ਰਹੀ ਹੈ।