ਅਟਾਰੀ ਸਰਹੱਦ 'ਤੇ ਕੱਲ੍ਹ ਤੋਂ ਝੰਡੇ ਦੀ ਰਸਮ ਰਿਟ੍ਰੀਟ ਸੈਰੇਮਨੀ ਸ਼ੁਰੂ
ਅਟਾਰੀ, ਅੰਮ੍ਰਿਤਸਰ, 19 ਮਈ (ਰਾਜਿੰਦਰ ਸਿੰਘ ਰੂਬੀ/ਗੁਰਦੀਪ ਸਿੰਘ)-22 ਅਪ੍ਰੈਲ ਨੂੰ ਪਹਿਲਗਮ ਵਿਖੇ ਹੋਏ ਭਾਰਤੀ ਸੈਲਾਨੀਆਂ ਉਤੇ ਹਮਲੇ ਦੌਰਾਨ ਬੇਕਸੂਰ ਲੋਕਾਂ ਨੂੰ ਉਨ੍ਹਾਂ ਦੀ ਜਾਤ ਨੂੰ ਪੁੱਛ-ਪੁੱਛ ਕੇ ਮੌਤ ਦੇ ਘਾਟ ਉਤਾਰੇ ਜਾਣ ਤੋਂ ਬਾਅਦ ਭਾਰਤ ਵਲੋਂ ਪਾਕਿਸਤਾਨ ਨਾਲ ਲੱਗਦੀ ਅਟਾਰੀ ਸਰਹੱਦ ਨੂੰ ਮੁਕੰਮਲ ਤੌਰ ਉਤੇ ਬੰਦ ਕੀਤੇ ਜਾਣ ਤੋਂ ਬਾਅਦ ਦੋਵੇਂ ਦੇਸ਼ਾਂ ਦਰਮਿਆਨ ਭਾਰੀ ਤਣਾਅ ਤੋਂ ਬਾਅਦ ਹੋ ਰਹੇ ਸੁਖਾਵੇਂ ਮਾਹੌਲ ਦੇ ਮੱਦੇਨਜ਼ਰ ਭਾਰਤ ਸਰਕਾਰ ਨੇ ਵੱਡਾ ਫੈਸਲਾ ਲੈਂਦਿਆਂ ਅਟਾਰੀ ਸਰਹੱਦ ਉਤੇ ਹੁੰਦੀ ਝੰਡੇ ਦੀ ਰਸਮ ਜੋ ਕਿ ਪਿਛਲੇ ਦਿਨੀਂ ਮੁਅੱਤਲ ਕਰਕੇ ਰੱਖੀ ਗਈ ਸੀ, ਉਸ ਨੂੰ ਬਹਾਲ ਕਰਦਿਆਂ ਭਾਰਤ ਨੇ 20 ਮਈ ਨੂੰ ਸ਼ਾਮ ਝੰਡੇ ਦੀ ਰਸਮ ਰਿਟ੍ਰੀਟ ਸੈਰੇਮਨੀ ਸ਼ੁਰੂ ਕਰਨ ਦਾ ਵੱਡਾ ਫੈਸਲਾ ਲਿਆ ਹੈ। ਸਰਕਾਰੀ ਅਧਿਕਾਰੀ ਵਲੋਂ ਦਿੱਤੀ ਗਈ ਇਸ ਸਬੰਧੀ ਸੂਚਨਾ ਉਤੇ ਦੱਸਿਆ ਗਿਆ ਕਿ 20 ਮਈ ਨੂੰ ਭਾਰਤ ਸਰਕਾਰ ਵਲੋਂ ਬੀ.ਐਸ.ਐਫ. ਨੂੰ ਹੋਏ ਹੁਕਮਾਂ ਅਨੁਸਾਰ ਭਾਰਤ ਦੀ ਅਟਾਰੀ ਸਰਹੱਦ ਵਿਖੇ ਬਿਨਾਂ ਸੈਲਾਨੀਆਂ ਦੇ ਰੋਕ-ਟੋਕ ਉਤੇ ਝੰਡੇ ਦੀ ਰਸਮ ਨੂੰ ਸ਼ੁਰੂ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਮੌਕੇ ਪਹਿਲੇ ਦਿਨ ਝੰਡੇ ਦੀ ਮੁੜ ਰਸਮ ਸ਼ੁਰੂ ਕਰਨ ਉਤੇ ਸੈਲਾਨੀਆਂ ਦੀ ਗਿਣਤੀ ਨੂੰ ਖੁੱਲ੍ਹਿਆ ਰੱਖਦਿਆਂ ਭਾਰਤ ਸਰਕਾਰ ਅਤੇ ਪੰਜਾਬ ਸਰਕਾਰ ਦੇ ਉੱਚ ਅਧਿਕਾਰੀਆਂ ਦੇ ਪਰਿਵਾਰਾਂ ਨੂੰ ਵੀ ਇਸ ਮੌਕੇ ਝੰਡੇ ਦੀ ਰਸਮ ਵੇਖਣ ਲਈ ਖੁੱਲ੍ਹਾ ਸੱਦਾ ਦਿੱਤਾ ਗਿਆ ਹੈ।
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
;
