ਅਸਾਮ: ਰਾਹੁਲ ਗਾਂਧੀ ਨੇ ਹੜ੍ਹ ਪ੍ਰਭਾਵਿਤ ਲੋਕਾਂ ਨਾਲ ਕੀਤੀ ਮੁਲਾਕਾਤ

ਲਖੀਪੁਰ (ਅਸਾਮ) 8 ਜੁਲਾਈ- ਕਾਂਗਰਸ ਨੇਤਾ ਅਤੇ ਲੋਕ ਸਭਾ ਸੰਸਦ ਮੈਂਬਰ ਰਾਹੁਲ ਗਾਂਧੀ ਲਖੀਪੁਰ ਦੇ ਫੁਲੇਰਤਲ ਵਿਚ ਇਕ ਰਾਹਤ ਕੈਂਪ ਵਿਚ ਹੜ੍ਹ ਪ੍ਰਭਾਵਿਤ ਲੋਕਾਂ ਨੂੰ ਮਿਲਣ ਲਈ ਅਸਾਮ ਪਹੁੰਚੇ। ਅਸਾਮ ਵਿਚ ਫੁਲੇਰਤਲ ਵਿਖੇ ਰਾਹਤ ਕੈਂਪ ਦੇ ਦੌਰੇ ਤੋਂ ਬਾਅਦ, ਰਾਹੁਲ ਗਾਂਧੀ ਤਿੰਨ ਵੱਖ-ਵੱਖ ਥਾਵਾਂ ’ਤੇ ਰਾਹਤ ਕੈਂਪਾਂ ਦਾ ਦੌਰਾ ਕਰਨ ਲਈ ਮਨੀਪੁਰ ਲਈ ਰਵਾਨਾ ਹੋਏ। ਉਹ ਅੱਜ ਸ਼ਾਮ ਨੂੰ ਮਨੀਪੁਰ ਦੇ ਰਾਜਪਾਲ ਨਾਲ ਵੀ ਮੁਲਾਕਾਤ ਕਰਨਗੇ। ਅਸਾਮ ਵਿਚ ਮੌਜੂਦਾ ਹੜ੍ਹ ਦੀ ਸਥਿਤੀ ਦੇ ਅਨੁਸਾਰ, 58 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ 53,429 ਲੋਕ ਰਾਜ ਭਰ ਵਿਚ ਆਸਰਾ ਕੈਂਪਾਂ ਵਿਚ ਸ਼ਰਨ ਲੈ ਰਹੇ ਹਨ।
ਇਸ ਦੌਰਾਨ, ਅਸਾਮ ਪ੍ਰਦੇਸ਼ ਕਾਂਗਰਸ ਕਮੇਟੀ ਨੇ ਸਿਲਚਰ ਹਵਾਈ ਅੱਡੇ ’ਤੇ ਰਾਹੁਲ ਗਾਂਧੀ ਨੂੰ ਰਾਜ ਵਿਚ ਮੌਜੂਦਾ ਹੜ੍ਹ ਦੀ ਸਥਿਤੀ ਬਾਰੇ ਇਕ ਪੱਤਰ ਵੀ ਸੌਂਪਿਆ।